Të gjithë ata që dërgojnë mesazhe duke ecur, do të kenë një rrugë të veçantë në qytetin Antwerp në Belgjikë e njohur, si “korsia për të shkruar mesazhe”.
Nuk kanë qenë të paktë aksidentet që janë shënuar, duke rrezikuar jetën e qytetarëve. Inisiativa që disa do ta quanin marifet reklame i atribuohet dyqanit MLAB të smartfonëve, që ndodhet në Antwerp. Besohet se në botë, ka më shumë celularë se njerëz.
Shifrat e publikuara nga operatorët e telefonave celulare, apo kompani të ndryshme tregojnë se ka 7.5 miliardë celularë në botë, krahasuar me 7.2 miliardë që llogaritet popullësia e botës, sipas Byrosë së Censusit në Shtetet e Bashkuara.
Zëdhënësi i MLAB tha se “shumë persona të përqendruar tek mesazhet, apo Whatsapp nuk i kushtojnë vemendjen çfarë ndodh përreth, por vetëm asaj që shfaqet në ekranin e celularit. Kjo shkakton përplasje me këmbësoret e tjerë, madje mund të rrezikojë edhe jetën”.
