Rikthehet frika për pedagoget e Universitetit të Shkodrës. Rreth 20 pedagogë kanë qenë në Prokurori teksa janë marrë në pyetje kryesisht me procedurat e provimeve të zhvilluara me studentët. 20 pedagogët janë nga fakultete të ndryshme dhe nga sa mësohet janë thirrur duke qenë se vazhdon të këtë dyshime për skema korrupsioni.
Nga sa bëhet e ditur prokuroria e Shkodrës ka afro 20 dosje për pjesën më të madhe dyshohet së janë me përgjime gjatë aktivitetit të tyre muajt e fundit. Një pjesë e mirë e pedagogëve, e kanë cilësuar si një formalitet një procedurë të tille ku kanë dëshmuar në lidhje me ato çështje për të cilat organi i akuzës ka pasur dyshime.
Burime nga organi i akuzës në Shkodër bëjnë me dije për ‘BalkanWeb’ se ende nuk ka prova të mjaftueshme që fajësojnë pedagogët e thirrur në Prokurorinë e Shkodrës, por ky organ po administron të gjitha provat që disponon dhe nuk përjashtohet që shumë shpejt në ditët e para të vitit të ardhshëm të ketë të tjerë pedagogë në bankën e të akuzuarve në Gjykatën e Shkodrës.
BW/d.i.
