Në vijim të hetimeve për ndërtimin e rrugës Tiranë-Elbasan, Prokuroria ka thirrur ekspertët, për të inspektuar situatën në terren. Mësohet se tre ekspertë të rrugëve, do të shohin nga afër punimet për autostradën Tiranë-Elbasan. Grupi i ekspertëve do të përcaktojë dëmin real të shkaktuar nga mos përmbushja e standardeve për ndërtimin e rrugës. Rezultatet e punës së ekspertëve, do të paraqiten si provë ndaj ish-zyrtarëve të Autoritetit Rrugor Shqiptar, të cilët po hetohen për abuzim me fondet e rrugës Tiranë-Elbasan.
