Por sot ai do të mbahet mend si një nga shembujt më konkretë dhe të bujshëm të asaj që qeveria kineze shpall si luftë e paepur ndaj korrupsionit”, ndërkohë që të tjerë  e analizojnë edhe si një luftë e brendshme në sferën më të lartë të pushtetit në vendin komunist.

Lai Xiamin u ekzekutua nga autoritet kineze, pasi Gjykata e Apelit e kishte vlerësuar si të drejtë vendimin e shkallës së parë, që kishte vendosur dënimin me vdekje. Një vendim disi i papritur, nga momenti që veçanërisht për shkak korrupsioni, pjesa më e madhe e vendimeve me vdekje në shkallë të dytë shndërrohet të paktën në burgim të përjetshëm.

Por sipas Gjykatës, sasia e parave të gjetura dhe dëshmitë për korrupsion ishin të tilla, sa vendimi dukej i justifikuar.

Autoritetet kineze deklaruan se ish-zyrtarit të lartë u ishin gjetur rreth 260 milionë dollarë, që sipas tyre ishin rezultat i ryshfeteve të shumta gjatë vetëm një dhjetëvjeçari.

Lai Xiamin kishte pranuar se vetëm 4 milionë dollarë kishin burim të paligjshëm, ndërkohë që  pranoi edhe një tjetër krim të rëndë, sipas ligjit kinez. Ai kishte ndërtuar një familje paralele ndaj asaj që kishte me gruan e parë, pa dijeninë kësaj të fundit.

Ai ishte përjashtuar nga Partia Komuniste në vitin 2018, për imoralitet dhe pse kishte vënë në vështirësi financat shtetërore.