Prokuroria e Shkodrës ka kërkuar dënim me 3 vite burg për ish- kryeprokurorin e Pukës, Pëllumb Prençi, i cili akuzohet për korrupsion, raporton BalkanWeb. Prençi u arrestua së bashku me ish-kreun e Gjykatës, Shtjefën Lleshi. Sakaq, mësohet se seanca e radhës u caktua pas dy javësh.
Ish-drejtuesi i Prokurorisë së Pukës, Pëllumb Prençi, u përfshi në skandalin e transmetuar nga emisioni “Fiks Fare”, ku kancelarja dhe sekretarja e Gjykatës së Pukës shfaqeshin në një video duke numëruar parátë që u ishin dhënë si ryshfet nga një qytetar. Ky i fundit kishte paguar miliona me qëllim që drejtuesit e institucioneve të drejtësisë, prokurori e gjykatësi të firmosnin për lirimin nga burgu të një të afërmi të tij, i cili gjendej në burg, për akuzën e tubimit të paligjshëm.
Kancelarja e Gjykatës Pukë, Meliha Kuka, sekretarja gjyqësore, Liljana Shkau, shfaqeshin me zë e figurë, duke ndarë paratë për llogari të krerëve të institucioneve. Për skandalin u arrestuan shtatë persona, mes të cilëve kancelarja e Gjykatës Pukë, Meliha Kuka, sekretarja gjyqësore Liljana Shkau, avokatët Fariz Xhurxhi dhe Fran Dashi, si dhe D. Prençi, i dyshuar si sekser. Ish-drejtuesi i prokurorisë Prençi dhe ish¬kreu i gjykatës, Shtjefën Lleshi u shkarkuan nga funksionet e tyre. Të dy po gjykohen për akuzën e korrupsionit. Në një kohë që disa prej personave të përfshirë në skandal i kanë mbyllur hesapet me drejtësinë, pasi i kanë shlyer masat e dënimit.
BW
