Tre doganierë shqiptarë janë arrestuar sot për korrupsion. Një prej tyre ka dashur të largohej, por është vënë më pas në pranga.
Edison Qose, 42 vjeç, Ilirjan Ymeraj 24 vjeç dhe Eneida Çuçi 35 u arrestuan nga policia e Krimit Ekonomik të Gjirokastrës në doganën e Kakavijës për korrupsion.
Ata akuzohen për marrjen e 200 eurove, por gjatë hetimit u janë gjetur edhe mallra për kalim kontrabandë.
Ata kanë lejuar kalimin e kufirit të një personi, identiteti i të cilit nuk bëhet publik.
Të tre doganierët do të përballen me akuzën e korrupsionit pasiv.
