• Kontakt
  • Kreu
  • Rreth Nesh
Wednesday, November 11, 2026
  • Login
Javanews
  • Politikë
  • Kronikë
  • Ekonomi
  • Bota
  • Sport
  • Kulturë
  • Opinion
  • Tendencë
  • Të tjera
    • Media në Tranzicion
    • Kosova
    • Editorial
    • Kuriozitete
    • Teknologji
    • Sociale
    • Horoskopi
    • Dossier
    • Shëndetesi
No Result
View All Result
Javanews
Home Kryesoret

Koronovirusi/Hipokrizia e opozitës dhe shteti i tri Task Forcave!

by Alfred Peza
09/03/2020 21:50
Shperndaj ne FacebookShperndaj ne Twitter

Ka një raport shumë interesant sjellje publike, mes koreve të kritizerëve gjithfarësh dhe ciklit të zhvillimeve të rëndësishme, gjatë viteve të fundit në Shqipëri. Nuk ka rëndësi nëse janë fatkeqësi natyrore, fatkeqësi shëndetësore, zhvillime dramatike të karakterit politik, ekonomik, social apo shoqëror.

Përfundimi është se për sa kohë që ato priten por ende nuk kanë ndodhur, nuk janë konsumuar, nuk janë ekzekutuar apo provuar zyrtarisht, të gjithë përfshihen në një fushatë paradhënie sulmesh, kritikash, presionesh dhe parashikimesh të kobshme kataklizmike, sa të krijohet ideja se fundi i botës është në prag. E më shumë se kushdo tjetër për këtë, fatura e fajita i shkon pa menduar gjatë; mazhorancës parlamentare, qeverisë, kryeministrit dhe shtetit.

Kështu ndodhi deri një ditë para 30 qershorit 2019 kur do zhvilloheshin zgjedhjet e përgjithëshme lokale. Një ditë para 26 nëntorit 2019 kur ra tërmeti shkatërrimtar në zonat e Durrësit, Tiranës dhe Lezhës. Një ditë përpara 17 shkurtit 2020 kur u mbajt takimi i 100 shteteve dhe organizatave për donacionet në ndihmë të projektit të rindërtimit në Shqipëri. E deri dje, një ditë përpara 9 marsit 2020, kur u konfirmuan zyrtarisht dy rastet e para të të prekurve me koronavirus në Tiranë.

E pikërisht në ditën kur zhvillimi për të cilin janë lutur aq shumë, më në fund ka ardhur e na ka rënë mbi kokë, çuditërisht të gjithë kanë heshtur. Të gjithë kanë pushuar. Të gjithë duket sikur kanë mbetur pa fjalë. Janë bërë të urtë. Racionalë. Të kujdesshëm. Madje kanë qenë të njëjtët që deri dje mbanin urat e zjarrit ndër duar, që kanë vrapuar të parët duke bërë thirrje për qetësi. Për maturi. Për durim. Për vetpërmbajtje. Aq sa ata të paktët që janë kritikuar aq egërsisht deri në atë moment prej tyre, e që janë kryqëzuar përmes paragjykimit të pafre të koreve opozitare, më së shumti kanë heshtur.

Sepse pas kësaj, askush nuk kujtohet më që ti rikthehet e të rikujtojë, gjithë fushatën histerike me alarme false. Me lajme të rreme. Me gënjeshtra. Me akuza shpikura e të orkerstruara, për të bërë politikë dhe për të përfituar sa më shumë politikisht. E në fund, askush nuk pendohet. Askush as nuk skuqet, e as nuk zverdhet. Askush nuk kërkon falje. Duke dashur që ta lenë edhe këtë rast në harresë, në pritje të fushatës së radhës, përmes kauzave të rreme të radhës, që vijojnë të ngrihen përsëri e përsëri mbi të njëjtat mite të rreme.

Janë të njëjtët që nuk thanë më pas asnjë fjalë, as kur projekti i opozitës së rrugës dështoi përmes djegies së mandateve të deputetëve të tyre në Parlament, pas “revolucionit” të molotovëve e  bojkotit të zgjedhjeve. As pasi humbën për herë të parë në 30 vjet, të gjitha pushtetet dhe i lanë opozitarët rrugëve. E as kur u rikthyen sërisht në sistem, nga atje ku ikën, me përbetimet se nuk do të riktheheshin më kurrë nëse nuk ikte Edi Rama.

Janë të njëjtët që nuk u buzëqeshi buza kur Shqipëria mori një fond prej 1.15 miliardë eurosh për projektin e rindërtimit, shumë më tepër se fatura e dëmeve të pësuara. Sikundër nuk thanë as edhe një fjalë të mirë, përkundrazi u tërbuan edhe më keq se më parë, kur Komisioni Europian rekomandoi sërisht çeljen e negociatave për anëtarësimin e Shqipërisë në BE.

Po mos mendoni se meqë ishin kaq të urtë kur u konfirmuan dy rastet e para me koronavirus edhe në Shqipëri, do të jenë edhe nesër, po aq të urtë e të moderuar sa sot. Përkundrazi. Sdo kalojnë pak orë në rastin më të keq e pak ditë në rastin më të mirë dhe do ti rikthehen sërisht avazit të vjetër. Me shpresën se atë që e vizatuan më ngjyrat më të zeza paradhënie, do ta shohin të zbatuar në vijimësi në praktikë. Duke kërkuar që të bëjnë politikë edhe me fatkeqësitë shëndetësore, ashtu siç tentuan më parë edhe me ato natyrore.

Provën e parë, sapo na e dhanë për këtë. Si të mos mjaftonte që qeveria e ngriti menjëherë Task Forcën sipas protokolleve të Organizatës Botërore të Shëndetësisë, të njëjtën gjë bënë edhe përfaqësuesit e koreve opozitare. Task Forcë ngriti edhe Kryetari i opozitës Lulzim Basha në selinë e PD. E po Task Forcë ngriti edhe Ilir Meta në selinë e Presidencës.

Tani nuk na mbetet gjë tjetër për të thënë për opozitarët tanë, veçse shprehjen e dikurshme me kamberë ta shndërrojmë në “dy Task Forcë në një derë”. E hajde mos e prano po deshe që si Lulzim Bashës ashtu edhe Ilir Metës, nuk i digjet barku për të zbatuar nesër në praktikë, fjalët e bukura që thanë sot. Alpenews

 

Next Post
“Financial Times”/ Kryeministri italian ishte këshilltar i një fondi në hetim nga Vatikani

Vendimi drastik i kryeministrit Conte: E gjithë Italia të qëndrojë në shtëpi

Leave a Reply Cancel reply

Your email address will not be published. Required fields are marked *

TË FUNDIT

Platforma ‘Fol me Kryeministrin’, Koçiu jep detajet: 1272 qytetarë kanë dërguar mesazhe!

Platforma ‘Fol me Kryeministrin’, Koçiu jep detajet: 1272 qytetarë kanë dërguar mesazhe!

November 11, 2026
Erjon Vishkulli njofton përfundimin me sukses të operacionit: Javën e ardhshme më pret një tjetër ndërhyrje

Erjon Vishkulli njofton përfundimin me sukses të operacionit: Javën e ardhshme më pret një tjetër ndërhyrje

November 11, 2026
Protestat/ Deputeti i PS: Protestuesit të ulen në tryezë me Ramën, ne si ish-studentë të 90-ës dialoguam me diktatorin Ramiz Alia!

Protestat/ Deputeti i PS: Protestuesit të ulen në tryezë me Ramën, ne si ish-studentë të 90-ës dialoguam me diktatorin Ramiz Alia!

November 11, 2026
“Duhet të ishte bërë shumë kohë më parë”, Trump premton fitore totale ndaj Iranit

“Duhet të ishte bërë shumë kohë më parë”, Trump premton fitore totale ndaj Iranit

November 11, 2026
Kthehen në atdhe tre nga shqiptarët që mbetën në Izrael kur nisën sulmet

Shqipëria në krah të Francës pas sulmeve kibernetike, MEPJ: E dimë mirë këtë kërcënim

November 11, 2026
“Berisha influencon interesa ruse”- Skandali me LaCivita, analisti Meçe: Përfshirja e Trump, pasi preken interesat amerikan!

Meçe ngre alarmin: Lufta hibride nis me protesta të financuara dhe mund të përfundojë me grusht shteti

November 11, 2026
Doganat mbledhin 21,1 miliardë lekë në tetor, zhvlerësimi i euros dhe dollarit u kushtoi 600 milionë lekë

Doganat mbledhin 21,1 miliardë lekë në tetor, zhvlerësimi i euros dhe dollarit u kushtoi 600 milionë lekë

November 11, 2026
Kryepolici Hita pritet në Romë nga homologu Pisani, temë diskutimi lufta ndaj trafiqeve, krimit të organizuar dhe kibernetik!

Kryepolici Hita pritet në Romë nga homologu Pisani, temë diskutimi lufta ndaj trafiqeve, krimit të organizuar dhe kibernetik!

November 11, 2026
Gogu takon homologun italian Nordio në Romë: Shqipëria dhe Italia synojnë zgjerimin e bashkëpunimit në drejtësi!

Gogu takon homologun italian Nordio në Romë: Shqipëria dhe Italia synojnë zgjerimin e bashkëpunimit në drejtësi!

November 11, 2026
Siguria në shkolla, Komisariati i Policisë Nr. 1 në Tiranë takime intensive sensibilizuese me nxënësit dhe mësuesit

Siguria në shkolla, Komisariati i Policisë Nr. 1 në Tiranë takime intensive sensibilizuese me nxënësit dhe mësuesit

November 11, 2026
  • Adresa: Rruga “Mihal Popi”, Pallatet 1 Maji, Shkalla 26, Apartamenti 5, Tiranë
  • Email: javanews.al@gmail.com
  • Kontakt
  • Kreu
  • Rreth Nesh

© 2025 JAVA NEWS - Të drejtat mbi përmbajtjen mbrohen sipas etikës profesionale dhe ligjeve të Republikës së Shqipërisë.

No Result
View All Result
  • Politikë
  • Kronikë
  • Ekonomi
  • Bota
  • Sport
  • Kulturë
  • Opinion
  • Tendencë
  • Të tjera
    • Media në Tranzicion
    • Kosova
    • Editorial
    • Kuriozitete
    • Teknologji
    • Sociale
    • Horoskopi
    • Dossier
    • Shëndetesi

© 2025 JAVA NEWS - Të drejtat mbi përmbajtjen mbrohen sipas etikës profesionale dhe ligjeve të Republikës së Shqipërisë.

Welcome Back!

Login to your account below

Forgotten Password?

Retrieve your password

Please enter your username or email address to reset your password.

Log In