Presidenti Portugez Marcelo Rebelo de Sousa ka pezulluar angazhimet e tij zyrtare për dy javë, si një masë paraprake kundër koronavirusit.
Vendimi u mor pasi një grup fëmijësh të shkollës vizituan pallatin presidencial të martën.
Një fëmijë nga ajo shkollë, i cili nuk ishte në udhëtim, më vonë u dërgua në spital, shkruan BBC.
Deklarata në faqen zyrtare të presidentit nuk konfirmoi nëse fëmija doli pozitiv me koronavirus.
Disa shkolla në Portugalinë veriore është mbyllur.
Presidenti nuk ka simptoma por ka takime të ardhshme ku do të ishte në kontakt me shumë njerëz.
Gjykatat në të gjithë Iranin kanë marrë vendimin për lirimin e përkohshëm të të burgosurve për të kufizuar përhapjen e koronavirusit.
Njoftimin e dha shefi i gjyqësorit Hojatoleslam Ebrahim Raeisi sipas agjencisë gjysmë zyrtare të lajmeve Tasnim ditën e sotme.
”Të burgosurit që kanë probleme shëndetësore u është dhënë përparësi në dhënien e lejes’‘, shtoi Raeisi.
Të martën e kaluar, Irani njoftoi se do të lirojë përkohësisht më shumë se 54,000 të burgosur në një përpjekje për të parandaluar përhapjen e virusit, sipas agjencisë së lajmeve gjysmë zyrtare të vendit ISNA duke përmendur zëdhënësin e gjyqësorit Gholamhossein Esmaili.
Irani është ndër vendet më të prekura nga koronavirusi me 237 të vdekur dhe 6,566 të infektuar.
Duke filluar nga sot, do të vini re që CNN po përdor termin pandemi për të përshkruar epideminë aktuale të koronavirusit. Ky nuk është një vendim i marrw lehtw, ndërsa kjo tingëllon alarmante dhe mund të shkaktojë panik.
Organizata Botërore e Shëndetit nuk e ka quajtur epideminë e koronavirusit si një pandemi. Por gjithnjë e shumë epidemiologë dhe ekspertë të shëndetit publik pohojnë se bota tashmë po përjeton një pandemi për shkak të koronavirusit të ri. Tani ka mbi 110,000 raste dhe mbi 3000 vdekje që i atribuohen këtij virusi të ri.
g.kosovari
