Nga 678 raste të konfirmuara si pozitiv qysh nga nisja e epidemisë së koronavirusit, aktualisht janë 257 raste aktive.
Mes tyre 38 pacientë ndodhen të shtruar në spital, tetë prej tyre në gjendje të rëndë.
Ky fakt u bë me dije nga shefja e Inteligjencës në Institutin e Shëndetit Publik, Eugena Tomini, e cila konfirmoi 15 raste të reja të prekurish në 24 orët e fundit.
Nga totali i rasteve të reja 9 raste janë në Tiranë, të gjitha kontakte të rasteve të mëparshme, 2 raste janë në Mirditë, 1 në Shkodër, 1 në Kukës, 1 në Has dhe 1 në Kurbin.
Deri në këto momente janë testuar 6768 raste të dyshuara dhe prej tyre janë të konfirmuar pozitivë me COVID-19, 678 raste, pra rreth 10% e totalit të rasteve të testuara.
Aktualisht në vendin tonë 257 ose 41.9% e totalit të të prekurve janë persona aktivë me COVID19 dhe siç shihet përqindja e të shëruarve është më e lartëNë shërbimin infektiv aktualisht janë 30 të shtruar nga të cilët 4 pacientë janë në terapi intensive.
Në spitalin COVID 2 “Shefqet Ndroqi”, janë 8 pacientë të shtruar. 4 pacientë janë në terapi intensive në gjendje të rënduar, ndërsa 4 pacientë janë në pavion.
Në dy spitalet COVID aktualisht po marrin shërbim 38 pacientë.
Gjatë 24 orëve të fundit, 9 pacientë të tjerë i janë shtuar listës së të shëruarve, duke e çuar totalin e të shëruarve nga COVID-19 në 394 ose 58.1% e totalit të të prekurve.
Harta e të prekurve nga COVID-19 zgjerohet në Tiranë, Mirditë, Shkodër, Kukës, Has dhe Kurbin.
Shpërndarja gjeografike e rasteve pozitive, është si në Tiranë 285 raste; Durrës 42 raste; Lushnje 6 raste; Elbasan 18 raste; Fier 36 raste; Kavajë 9 raste; Rrogozhinë 4 raste; Korçë 19 raste; Vlorë 5 raste; Shkodër 103 raste; Lezhë 14 raste; Berat 2 raste; Has 14 raste; Krujë 65 raste; Tropojë 4 raste; Pukë 5 raste; Mirditë 5 raste; Kukës 12 raste; Mallakastër 1 rast dhe Kurbin 29 raste.
/a.r
