Rastet e koronavirusit nuk po rriten në mënyrë dramatike jashtë Kinës, pavarësisht shtimit qe pati në provincën Hubei, thotë Organizata Botërore e Shëndetit (WHO), raporton BBC.
Përjashtimi i vetëm ishte në një anije lundrimi në Japoni, ku u raportuan 44 raste të reja, duke e çuar totalin në 218 te prekur.
Gjithashtu nuk pati ndonjë ndryshim të madh në modelin e vdekshmërisë ose ashpërsisë së koronavirusit, sipas OBSH.
Shifrat e fundit tregojnë 121 vdekje të reja në Kinë, duke e çuar totalin në 1.383 persona te vdekur dhe raportohen më tepër se 64.000 persona të infektuar.
Infeksionet totale u rritën me 5,090 në 55,748 raste në 13 shkurt, tha të Premten Komisioni Kombëtar i Shëndetësisë.
Shifrat e fundit nga Hubei regjistruan 116 vdekje dhe 4,823 raste të reja. Kjo është një rritje më e vogël se një ditë më parë kur pati një goditje me 240 vdekje të reja dhe afro 15,000 raste të reja.
Nga ana tjetër mjekët, të cilët kanë kohë duke u përballur me një rrezik të lartë infeksioni për shkak të epidemisë, tani shumë prej tyre janë shndërruar në pacientë. Vetëm në Wuhan, 1,102 mjekë janë konstatuar të infektuar.
Qyteti i 11 milion banorëve ka 398 spitale dhe afro 6,000 klinika komunitare. Sidoqoftë, Komisioni Shëndetësor Komunal i Wuhan ka caktuar nëntë spitale për të trajtuar rastet e koronavirusit kurse 61 spitale të tjera dhe klinikat ambulatore përcaktojnë përmes testeve të infektuarit e mundshëm.
Në disa prej këtyre spitaleve, personeli mjekësor i infektuar përbën një përqindje të konsiderueshme të pacientëve të prekur nga koronavirusi.
Për shembull, 40 punonjës shëndetësorë u infektuan në Spitalin Zhongnan, një nga 61 spitalet që merreshin me rastet e epidemisë, që përfaqësojnë afërsisht 30% të 138 pacientëve të shtruar në spital nga 1 deri më 28 janar.
Në spitalin ‘Wuhan Nr7’, dy të tretat e stafit është infektuar për shkak të mungesës së mjeteve mbrojtëse.
Qeveria e Wuhan ka pranuar pmungesën e furnizimeve mjekësore, të tilla si maska, syze dhe kostume mbrojtëse. Spitalet e Wuhan kanë kërkuar vazhdimisht ndihmë në mediat sociale, duke kërkuar dhurime shtesë të pajisjeve mbrojtëse, të cilat janë thelbësore për të mbrojtur stafin në frontin e luftës kundër koronavirusit.
Në Weibo, një postim në shtetërorin ‘People Daily’ tregoi personelin mjekësor në një spital të Wuhan duke krijuar pajisje mbrojtëse prej qeseve plastike.
g.kosovari
