Njëri nga 30 viktimat e koronavirusit në Shqipëri, ishte punonjës i Doganës Shqiptare.
Bëhet fjalë për viktimën e 28-të i cili humbi jetën nga Covid-19, pasi prej dy javësh ishte në gjendje shumë të rëndë shëndetësore.
Në një mesazh publik Dogana Shqiptare shpreh mesazh ngushëllimi.
“Ndërron jetë punonjësi i Doganës, i infektuar me Covid-19.
Me dhimbje të madhe morëm njoftimin për humbjen e parakohshme të kolegut tonë R.K, i cili prej ditësh ishte i shtruar në spitalin universitar “Shefqet Ndroqi”, i konfirmuar me Covid-19. Kolegu u nda nga jeta pasi prej dy javësh ishte në gjendje shumë të rëndë shëndetësore. Pavarësisht trajtimit të bërë nga stafi mjekësor, asistencës të ventilimit mekanik të respiracionit dhe mjekimit intensiv, kolegu nuk ka mundur të mbijetojë.
I gjithë stafi i Administratës Doganore Shqiptare i shpreh ngushëllimet më të sinqerta familjarëve dhe miqve të të ndjerit.
Bashkohemi me dhimbjen tuaj!
Të prehesh në paqe koleg!
Pavarësisht situatës së vështirë në të cilën po punojnë çdo ditë punonjësit e ADSH-së, ata janë në krye të detyrës 24 orë, në 7 ditë të javës, për të përmbushur me përkushtim dhe devotshmëri misionin e tyre, si në pikat e kalimit kufitar, ashtu edhe në shërbim të çdo qytetari apo biznesi në doganat e brendshme”, thuhet në mesazh.
/a.r
