Francisco Garcia, trajneri i të rinjve të Atletico Portada Alta, një klub futbolli në Malaga të Spanjës, gjeti vdekjen këtë të diel si pasojë e koronavirusit.
Atletico Portada Alta i bëri homazh Garcia me anë të një postimi në Facebook, me fjalët:
“Ishte një djalë i fortë i cili e donte punën e tij, i donte fëmijët që stërviste, njëlloj si ti kishte të tijët. I shprehim ngushëllimet e thella familjes, miqve dhe të afërmve të trajnerit tonë Francisco Garcia. Po tani ç’të bëjmë pa ty, Francis?”
Në Spanjë numri i të prekurve me Covid-19 ka shkuar në 9191, ndërkohë që numri i viktimave ka shkuar në 309.
g.kosovari
