Pas një takimi urgjent të komitetit shkencor të Ministrisë së Shëndetësisë ditën e sotme, ministri përgjegjës Vasilis Kikilias, njoftoi se të gjitha institucionet arsimore në vend do të mbyllen për shkak të koronavirusit për 14 ditë.
Do të mbyllen gjithashtu kopshtet, si dhe të gjitha institucionet akademike dhe teknologjike, si dhe TEI.
Masa vlen për mësime dhe çdo lloj shkollë private të çdo niveli.
Raportohet se të mërkurën se kryeministri Kiriakos Mitsotakis do të shpallë masa të reja, shkruan media greke Zougla.
Masa, siç shpjegohet nga Kikilias, është parandaluese dhe synon të zvogëlojë përhapjen e virusit në komunitet.
Ai tha se do të merret kujdes i veçantë për prindërit që punojnë dhe bizneset e prekura nga masat. Ai përsëriti se prindërit duhet të kufizojnë fëmijët e tyre për të zvogëluar përhapjen e virusit dhe tha “është koha që të gjithë grekët të tregojnë përgjegjësi.
Është rritur në 7 numri i personave të infektuar me koronavirusin e ri në Maqedoninë e Veriut. Pas drejtores së Klinikës së Lëkurës në Shkup, me COVID-19 janë diagnostikuar edhe tre persona të tjerë, të cilët ishin kthyer nga Italia së bashku me çiftin bashkëshortor nga Dibra, të cilët të premten po ashtu rezultuan pozitiv me koronavirus.
Qeveria e Maqedonisë së Veriut ka marrë vendim të martën për mbylljen e të gjitha institucioneve arsimore në nivel vendi për dy javë.
Analizat janë kryer edhe ndaj tre bashkudhëtareve të tjera, por që kanë dalë me rezultate negative. Ndërkohë, në izolim shtëpiak po mbahen rreth 200 persona të tjerë të cilët besohet të kenë qenë në kontakt me drejtoreshën e Klinikës të sëmundjeve të lëkurës e cila është e infektuar.
Bëhet fjalë për kolegë të saj mjekë dhe i tërë personeli tjetër mjekësor, por edhe pacientët që ndodheshin në klinikë e cila nga dita e hënë edhe është mbyllur deri në një vendim të ri.
g.kosovari
