Ndonëse Qeveria bëri thirrje për pezullimin e aktiviteteve publike, ku përfshihen dhe garat sportive në vend, Federata Shqiptare e Futbollit ka vendosur të vijojë aktivitetin sportiv. Me anë të një njoftimi zyrtar, FSHF shprehet se Komiteti i Emergjencës vendosi që të vijojnë garat sportive sipas kalendarit të parashikuar, por me dyer të mbyllra. Pra, aktivitetet e futbollit në vend do të vijojnë normalisht por pa tifozë.
Njoftimi i FSHF: Komiteti i Emergjencës në Federatën Shqiptare të Futbollit pas mbledhjes së jashtëzakonshme të zhvilluar ditën e sotme dhe komunikimeve zyrtare me Këshillin e Ministrave ka vendosur të njoftojë klubet se aktiviteti futbollistik në Shqipëri do të vijojë sipas kalendarit zyrtar të parashikuar nga Sektori Garave, por ndeshjet do të zhvillohen me dyer të mbyllura.
Kjo masë është marrë pas vendimit të djeshëm të Ministrisë së Shëndetësisë dhe Mbrojtjes Sociale, si dhe në respekt të ruajtjes së shëndetit publik të sportdashëve dhe të gjithë personave të përfshirë në garën futbollistike në vend. Federata Shqiptare e Futbollit kërkon mirëkuptimin e të gjithë palëve, si një vlerësim objektiv për situatën në cilën ndodhet vendi.
g.kosovari
