Një histori drithëruese e lidhur me virusin e rrezikshëm koronavirues, vjen nga Kina, ku një djalë 17 vjeç me aftësi të kufizuara gjeti vdekjen i vetëm në shtëpi, pasi i ati i cili ishte i vetmi që kujdesej për të, u fut me forcë në karantinë nga policia.
I riu Yang Cheng, kishte pësuar paralizë cerebrale dhe kishte probleme në lëvizje, dukë bërë që për të të kujdesej pa pushim i ati 49-vjeçar, Yan Xiaowen.
Por fatkeqësisht në 17 janar, për të festuar vitin e ri hënor, bashkë me djalin tjetër 11 vjeç, babai shkoi në Wuhan, e cila është epiqendër e virusit, duke u larguar nga fshati i tyre Huahe, rreth 150 kilometër.
Gjatë rrugës së kthimit, Xiaowen, manifestoi shenja të virusit dhe bashkë me djalin që kishte me vete u futën me forcë nga policia në karantinë, shkruan noa.al.
Ndërkohë Yan mbeti i vetëm pa kura, pa ushqim dhe ujë. Djali nuk e kishte nënën, pasi ajo kishte vrarë veten pas lindjes së djalit të dytë, kur zbuloi se i biri ishte i prekur nga autizmi.
Pikërisht pas këmbënguljes së babait për djalin, autoritetet e Huahe shkuan në banesë ku e gjetën të vdekur. Tashmë lidhur me këtë ngjarje kanë nisur hetimet.
