Koreja Veriore e ka liruar sot studentin e burgosur amerikan, Otto Warmbier, njofton Sekretari i Shtetit i SHBA-së, Rex Tillerson. Warmbier, 22-vjeçar, u dënua në muajin mars të vitit 2016 me 15 vjet punë të vështirë sepse kishte tentuar të vidhte një shenj të propagandës nga një hotel.
Tillerson ka thënë se Warmbier është rrugës për në SHBA, ku do të ribashkohet me familjen e vet. Nuk është e qartë nëse lirimi i tij lidhet me mbërritjen e yllit amerikan të basketbollit në Korenë Veriore, Dennis Rodman.
Rodman është mik i liderit të Koresë Veriore, Kim Jong-un, i cili e ka vizituar atë në vitet 2013 dhe 2014. Ai ka thënë pas mbërritjes në Veri se ka shkuar atje si qytetar privat dhe se qëllimi i tij është që të shohë nëse mund të vazhdojë t’i dërgojë sportet në Korenë Veriore. Ndërkohë, edhe tre qytetarë të tjerë amerikanë mbesin në paraburgim në Korenë Veriore.
ma.me
