Një seri ekzekutimesh janë kryer nga regjimi në Korenë e Veriut, në dëm të funksionarëve të tij. Lajmin e kanë bërë të ditur krerët e shërbimeve sekrete të Seulit, në një raportim parlamentar. Bëhet fjalë për 5 zyrtarë të nivelit të lartë të shërbimeve sekrete, të cilët janë vrarë me artiljeri kundërajrore. Ndërkohë, shefi i agjencisë, Kim Wong hong ka patur fatin të dënohet, të paktën për momentin, me arrest shtëpie.
Kim, 72 vjeç, ishte shkarkuar nga detyra në mes të janarit nga drejtuesi i Ministrisë së Sigurisë, pasi një hetim i kryer nga Partia e Punës arriti në përfundimin se agjencia kishte abuzuar me pushtetin e saj, duke hartuar një raport të falsifikuar që kishte rënë në duart e liderit Kim Jong un.
Ministria për Sigurinë e Shtetit në Korenë e Veriut është e njohur për kontrollin e rreptë ndaj qytetarëve, për identifikimin e spiunëve dhe ndëshkimin e të gjithë atyre që përbëjnë një kërcënim potencial për regjimin. Drejtori i shkarkuar e mori detyrën në vitin 2012 dhe njihet si personi që çoi në arrestimin dhe ekzekutimin e Jang Song thaek, xhaxhai i liderit aktual të vendit, që u ekzekutua në dhjetor 2013. Pas shkarkimit, Kim urdhëroi heqjen e statujës së babait të tij Kim Jong il nga selia qendrore e agjencisë së inteligjencës, me argumentin se ajo nuk e meritonte një nderim të tillë.
ma.me
