Roja i një shoqërie Private të Sigurisë Fizike dhe bashkëpunëtori i dyshuar i tij u vunë në pranga nga policia, pasi u kapën duke vjedhur një sasi nafte në automjetet e gazsjellësit “TAP”.
Specialistët e Seksionit për Krimet në Komisariatin e Policisë Korçë vunë në pranga shtetasit Arben Fama, 38 vjeç, (me detyrë roje në një Shoqëri Private të Sigurisë Fizike) si edhe Denis Nurin, 27 vjeç, banues në fshatin Voskop.
Arrestimi i tyre u bë pasi, më datë 7 në fshatin Polenë Fama, në bashkëpunim me Nurin, janë kapur në flagrancë duke tentuar të vjedhin një sasi karburanti, në mjetet e parkuara të gazsjellësit “TAP”.
Njoftimi i policisë:
Goditet një tjetër rast i vjedhjes së karburantit, në mjetet e gazsjellësit “TAP”.
Roja i një shoqërie Private të Sigurisë Fizike dhe bashkëpunëtori i dyshuar i tij, kapen në tentativë për të vjedhur një sasi nafte, në këto mjete.
Arrestohen në flagrancë nga Policia.
Specialistët e Seksionit për Krimet në Komisariatin e Policisë Korçë, bënë kapjen dhe arrestimin në flagrancë të shtetasve :
Arben Fama, 38 vjeç, banues në Korçë (me detyrë roje në një Shoqëri Private të Sigurisë Fizike) si edhe
Denis Nuri, 27 vjeç, banues në fshatin Voskop.
Arrestimi i tyre u bë pasi, më datë 07.07.2017, në fshatin Polenë shtetasi Arben Fama, në bashkëpunim me shtetasin Denis Nuri, janë kapur në flagrancë duke tentuar të vjedhin një sasi karburanti, në mjetet e parkuara të gazsjellësit “TAP”.
Materialet në ngarkim të tyre i kaluan Prokurorisë të Rrethit Gjyqësor Korçë, për veprat penale: “Vjedhja e kryer duke shpërdoruar detyrën” dhe “Vjedhja” të kryera në bashkëpunim, parashikuar nga nenet 135 e 25 dhe 134/2 të Kodit Penal.
