Proçedohet penalisht një shtetas për veprën penale “Keqtrajtim të mituri” pasi detyronte djalin e tij, të lypte në rrugë.
Nga Specialistët e Seksionit kundër Trafiqeve të paligjshme, filloi proçedimi penal në gjendje të lirë për shtetasin :
• S.K, 38 vjeç, banues në Korçë.
Proçedimi ndaj tij filloi pasi, dyshohet se ky shtetas, ka keqtrajtuar dhe shfrytëzuar si lypës, në qytetin e Korçës dhe në rrethe të tjera, djalin e tij të mitur, shtetasin K.K, 7 vjeç, duke përfituar prej punës së tij, të ardhura materiale( kjo familje i përket komunitetit egjiptian)
Sqarojmë se fillimisht, fëmija i mitur, është gjetur, rreth orës 01.00 të mëngjezit, i vetëm në rrugë, pranë derës të një lokali, nga punonjësit e Shërbimit të Rendit.
Shtetasi K.K, deklaroi në prani të psikologes dhe të prindërve të tij, se ai detyrohej nga nëna dhe babai i tij, të lypte në rrugë dhe të ardhurat që fitonte(në ditë) duhet t`ia u dorëzonte prindërve.
Materialet i kaluan Prokurorisë të Rrethit Gjyqësor Korçë, për veprën penale “Keqtrajtimi i të miturit” parashikuar nga neni 124/b/2 i Kodit Penal.
