Rikthimi i reshjeve të borës është shoqëruar edhe me vështirësi dhe probleme në juglindje të vendit. Prej pasdites të së dielës në pjesën më të madhe të qarkut ka pasur reshje të dendura ndërsa brenda pak orësh në Dardhë trashësia e borës ka kaluar mbi 50 cm.
Më pak borë ka pasur në fshatin malor të Voskopojës me vetëm 10 cm ndërsa më pjesën tjetër janë regjistruar me pak reshje. Bora i ka gjetur të papërgatitur drejtuesit e mjeteve ç’ka ka bërë që në disa zona të regjistrohen edhe probleme dhe vështirësi. Aktualisht me problematike paraqitet situata ne Dardhe ku rruga është bllokuar.
Trashësia e bores ka arritur nga 80 cm – 1 m ndërsa është bërë e pamundur te largohen pushuesit qe kane qene ne fshat për fundjave. Probleme ka pasur edhe ne zonën e Mokrës ku si pasoje e motit te keq është ndërprerë energjia elektrike. Edhe Kapshtica vazhdon te ketë probleme për lëvizjen e mjeteve.
Në qarkun e Elbasanit reshjet e shiut të shoqëruara dhe me erëra të forta kane shkaktuar problem në qarkullimin e mjeteve. Më problematike situata paraqitet bë aksin Elbasan – Librazhd në vendin e quajtur ” Kthesa e Murrashit” , ku në kohë shirash për shkak të pozicionit që ka rruga kthehet gjithnjë në burim aksidentesh. Në këtë aks situata paraqitet problematike për shkak të lagështirës por edhe gurëve që bien nga kodrina. Policia i bën thirrje drejtuesve të mjeteve që të kenë kujdes kur qarkullojnë sidomos tek këto kthesa. Gjithashtu edhe pika turistike e Gjinarit është mbuluar pjesërisht nga dëbora duke bërë që Policia të ndalojë qarkullimin e autobusëve në këtë aks përkohësisht./Panorama/
