Korçë/ 43 vite burg për 7 persona, u kapën 1 vit më parë me 722 kg drogë

Gjykata e Korçës ka dënuar me 43 vjet burg në total 7 persona të arrestuar një vit më parë me 722 kg kanabis sativa. Personat në fjalë u arrestuan në operacionin “Velçani, dhe ishin 11 në total. Por vetëm 7 prej tyre janë dënuar ditën e sotme.

Të akuzuarit:

1. Elton Tota
2. Gen Tota
3. Nexhip Ibrahimllari
4. Mariglen Zaçellari, 8 vite burg
5. Mikel Çyçllari, 7.4 vite burg
6. Mirsen Zaçellari, 7.4 vite burg
7. Kristjano Tota
8. Geront Latollari, 4.8 vite burg
9. Nikola Blacëri
10. Xhuljano Salaj
11. Emanuel Çyçllari

HETIMI 

Në datë 29.10.2015, punonjësit e policisë, në bazë të një informacioni të marrë kanë shkuar në fshatin Velçan, Njësia Administrative Lozhan. Bashkia Maliq, ku në një zonë të pyllëzuar ndodhej një çadër e ndërtuar me dru dhe e rrethuar me plasmas.

Kur punonjësit e policisë janë afruar kanë konstatuar në hyrje të çadrës një person, i cili sapo ka parë punonjësit e policisë është larguar me vrap, raporton panorama.

Punonjësit e policisë janë futur në çadër ku janë konstatuar se ndodheshin dhe katër persona të tjerë, tre prej tyre kanë mundur të largohen, kurse njëri prej tyre (shtetasi Kristjano Tota) është kapur në flagrancë.

Nga këqyrja e çadrës është konstatuar se brenda në të ndodheshin një sasi e madhe bimësh, të cilat sipas akteve të ekspertimit rezultuan bimë narkotike të llojit “Cannabis Sattiva”, si dhe dy armë zjarri ku njëra ishte armë zjarri automatike.

Nga peshimi i gjithë sasisë së lëndës narkotike të gjetur ka rezultuar se ato ishin me një peshë të përgjithshme prej 722(shtatëqind e njëzet e dy) kg dhe 500 (pesëqind) gramë.

Më pas, hetimet i ndoqi Prokuroria e Korçës, në bazë të veprimeve të të cilës u zbulua i gjithë grupi, i përbërë nga 11 persona, të gjithë të arrestuar. Ndërkohë, 4 persona të tjerë u hetuan në gjendje të lirë, për veprën penale të “Moskallëzimit të krimit”.