Kryeministri Edi Rama dhe kryetari i Parlamentit Ilir Meta po zhvillojnë një takim në ambjentet e kryesisë së Kuvendit.
Takimi ka nisur pak çaste më parë dhe fokus kryesor i bashkëbisedimit është koordinimi i koalicionit për votimin e projektligjeve në seancën e nesërme në Kuvend.
Takimi midis krerëve të koalicionit zhvillohet çdo javë, 1 ditë para seancave plenare.
Në seancën e së enjtes pritet zhvillimi i një proteste jashtë ambjenteve të Kuvendit nga opozita.
Po ashtu, edhe brenda sallës së Parlamentit pritet një betejë e ashpër midis palëve, ku opozita ka paralajmëruar se do të përpiqet me të gjitha format të ndalojë miratimin e buxhetit të vitit 2016.
