Koordinatori i OKB në Shqipëri z. Brian J. Williams në një intervistë televizive thotë se krijimi i institucioneve të reja të drejtësisë në Shqipëri, është një objektiv i rëndësishëm në rrugën e progresit që do të bëjë Shqipëria në të ardhmen.
“Është shumë e rëndësishme që të krijohen sa më shpejt institucionet e reja të drejtësisë dhe që më pas këto institucione të reja të drejtësisë të kenë mundësinë të tregojnë se do ta bëjnë punën e tyre në formë të pavarur dhe të paanshme. Kjo është thelbësore për ecurinë, progresin dhe përparimin që do të bëjë Shqipëria në të ardhmen” – deklaron Williams.
Zyrtari i lartë OKB thekson rëndësinë që ka besimi i qytetarëve tek institucionet dhe kjo duhet të arrihet me anë të një transparence më të madhe.
“Kjo është shumë e rëndësishme sepse do t’i sjellë shërbimet më pranë qytetarëve dhe po ashtu do të krijojë edhe autonomi më të madhe vendore dhe natyrisht është e rëndësishme në vetvete dhe ndihmon edhe në arritjen e Objektivave të Zhvillimit të Qëndrueshëm”, – thotë Z. Wilson.
/a.r
