Policia e Fierit, në bashkëpunim me agjentët e antidrogës, ka rritur ndjeshëm kontrollet e papritura brenda lagjeve dhe në blloqet e pallateve.
Qëllimi i këtyre operacioneve është goditja e grupeve kriminale të trafikut të drogës, si dhe identifikimi i të rinjve përdorues, të cilët shpeshherë zgjedhin zona të izoluara pranë banesave për konsumim.
Këto masa janë marrë pas ankimeve të banorëve të shqetësuar, që kanë raportuar rastet e përdorimit të lëndëve narkotike në zona të banuara, duke rrezikuar sigurinë e komunitetit.
Policia garanton se kontrollet do të vazhdojnë pa ndërprerje, me qëllim parandalimin e përhapjes së drogës dhe përmirësimin e sigurisë publike.
Një vëmendje e veçantë do t’i kushtohet edhe ambienteve të shkollave, ku kontrolli do të jetë më rigoroz.
