Policia e Shkodrës ka vënë në pranga dy të rinj, të cilët shpërndanin lëndë narkotike, kryesisht tek shkollat e mesme dhe 9-vjeçare të zonës së Pukës.
Në pranga ranë Klevi Mehaj 20 vjeç, dhe Klodian Gjergjaliaj, 18 vjeç, të dy banues në Pukë.
Në mbrëmjen e djeshme, në afersi të një lokali, ata janë konfliktuar dhe goditur me njëri-tjetrin, ku kanë ndërhyrë forcat e policisë.
Gjatë kontrollit fizik të shtetasit Klodian Gjergjaliaj në xhepat e pantollonave u gjet dhe u sekuestrua një sasi lëndë narkotike e dyshuar Canabis Sativa, ku pas peshimit rezultoi 5.8 gram.
Gjatë kontrollit të banesës së shtetasit Klevi Mehaj në dhomen e gjumit të tij u gjet dhe u sekuestrua një sasi lëndë narkotike e dyshuar Canabis Sativa, ku pas peshimit rezultoi 2.7 gram.
Materialet i kaluan Prokurorisë së Rrethit Gjyqësor Shkodër, për veprën penale ”Prodhim dhe shitja e narkotikëve” dhe ”Dëmtime të tjera me dashje” parashikuar nga nenet 283 dhe 90 të Kodit Penal.
