Qeveria duket se është tërhequr nga vendimi për kontratën e ilaçeve, ndërkohë që farmacistët kanë anuluar protestën e tyre.
Mësohet se ministrja e Shëndetësisë, Ogerta Manastirliu, ka pritur sot drejtuesen e Urdhrit të Farmacistëve pas shqetësimeve të ngritura gjatë ditëve të fundit në lidhje me Listën e re të Barnave të rimbursueshme.
“Bashkëpunimi është shumë i rëndësishëm dhe cdo shqetësim do të zgjidhet me dialog. Që nesër ju do të vijoni në grupe të përbashkëta punë me Fondin për të adresuar aty ku është e mundur shqetësimet e ngritura prej jush” – është shprehur Manastirliu gjatë takimit.
Përfaqësuesja e Urdhrit të Farmacistëve, në emër të farmacistëve ka shprehur vlerësimin për gjuhën e bashkëpunimit që gjeti për zgjidhjen e problematikave të ngritura prej tyre sa i takon kontratave të reja mes farmacive dhe FSDKSH.
Kjo pasi qeveria ka pranuar kërkesën, ndërsa riformulimi i kontratës së ilaçeve do të bëhet me diskutime në tryezë.
Bisedimet qeveri-farmacistë janë parashikuar që të mbahen nesër në orën 11:00.
“Protesta nuk do të zhvillohet sepse gjetëm rrugën e dialogut. Ministrja na priti dhe u vendos krijimi I grupeve të përbashkëta mes Fondit dhe farmacistëve për rishikimin e kontratës dhe korigjimet aty ku do të shihet e arsyeshme” – tha Diana Toma, drejtuese e Urdhrit të Farmacistëve.
ma.me
