Ndryshon formati kualifikues për ekipet përfaqësuese të Europës për në kampionatin europian dhe atë botëror me një total ndeshjesh gati 1000 përgjatë periudhës 2018-2022 dhe të gjitha këto do të transmetohen vetëm në Supersport dhe në asnjë televizion apo platformë tjetër, pasi DIGITALB ka dalë fitimtar në procesin e tenderimit të zhvilluar nga UEFA.
Prej vitit 2018, i konceptuar dhe aprovuar nga UEFA do të nisë Nations League, një turne me 55 ekipe, të cilat do të luajnë mes tyre për kualifikimin në Europian e Botëror, si dhe për të fituar trofeun e këtij turneu të ri.
Kompeticioni i ri, që do të shoqërojë skemën e vjetër UEFA European Qualifiers, është konceptuar t’u japë më shumë mundësi kualifikimi ekipeve kombëtare, duke reduktuar kështu numrin e takimeve miqësore.
Me formatin e ri për t’u kualifikuar në Europianin 2020 dhe më pas në Botërorin 2022 do të luhet futboll në nivel ekipesh përfaqësuese përgjatë gjithë vitit, duke nisur në 2018 me UEFA Nations League dhe UEFA European Qualifiers, ku në secilën fazë për kualifikimin në Euro 2020 do të luajnë 55 skuadra.
E njëjta skemë vlen edhe për fazën kualifikuese në Kupën e Botës 2022. Të gjitha këto ndeshje kualifikuese, nga të cilat 40 të Shqipërisë e 40 të Kosovës gjatë 2018-2022 do të transmetohen në kanalet Supersport të platformës Digitalb.
Express/d.i.
