Policia e Korçës njofton se ka prangosur 3 persona, pasi janë kapur duke transportuar viça kontrabandë nga Maqedonia për në Shqipëri.
Mësohet se në pranga janë Durim Çollaku, 55 vjeç, Gentjan Dashi, 27 vjeç, dhe Ibrahim Bogdani, 51 vjeç, të tre banues në fshatin Rrajcë-Librazhd.
Ata u kapën në flagrancë nga shërbimet e Sektorit të Hetimit në DVKM Korçë në bashkëpunim me patrullën e Stacionit të Policisë Kufitare Qafë Thanë, në kufi të gjelbër në drejtim të piramidës nr 42, duke kontrabanduar nga Maqedonia në drejtim të Shqipërisë, 10 krerë bagëti të trasha (viça).
Materialet i kaluan Prokurorisë të Rrethit Gjyqësor Pogradec, për veprat penale : “Kontrabanda me mallra të tjera”, “Kalimi i paligjshëm i kufirit shtetëror”.
