Sektori i Krimit Ekonomik pranë Policisë së Fierit ka njoftuar mëngjesin e së mërkurës për finalizimin e një kontrolli. Sipas informacioneve që vinë nga ky qytet, Policia në bashkëpunim me Drejtorinë e Doganës dhe Tatimeve kanë ushtruar kontroll mbi 8 subjeke që kishin aktivitet tregtar në fushën e hidrokarbureve.
Si rezultat i këtij operacioni, u arrestuan në flagrancë 4 shtetas për veprën penale “kontrabandë e mallrave që paguhet akcizë” dhe “fshehje e të ardhurav” si edhe akuza e mospagimit të taksave.
Në pranga kanë rënë Armand Gremi, Andrea Tomori, Mihallaq Bubullima dhe Vezir Çepele.
Po sipas policisë, janë shpallur në kërkim dy shtetas të tjerë, ndërsa hetimet janë shtrirë edhe mbi punonjësit tatimorë që kanë pasur si detyrë kontrollin e këtyre subjekteve.
