Nëse në tavolinën tuaj të ngrënies keni më shumë produkte mishi, atëherë bëni kujdes.
Sipas një studimi, konsumimi i tepërt i mishit dhe produkteve si proshuta, sallami e salsiçja, mund të çojë njeriun në vdekje të parakohshme.
Studimi ka bërë analizën e ushqimeve që kanë konsumuar disa persona, të cilët janë sëmurë e kanë vdekur nga kanceri dhe sëmundjet e zemrës. Ekspertët kanë propozuar që njerëzit në ushqimin e tyre të përditshëm duhet të kufizohen në 20 gram të produkteve të mishit, proshutës e sallamit.
Kur janë në pyetje produktet e mishit, e rëndësishme është të theksohet që ato përmbajnë koncentrat të lartë të yndyrave, e nëse konsumohen më shumë seç duhet ka bllokim të artereve.
Publikimi i rezultatit të këtij hulumtimi, përkon me skandalin e lidhur me mishin e kalit, i cili ka përfshirë gati tërë Evropën, ku një numër i madh i konsumatorëve pyetet se cila është prejardhja e ushqimit që e hanë.
