Tregtia e jashtme ka shfaqur dobësi edhe në ecurinë e importeve për periudhën dhjetëmujore. Sipas të dhënave mbi tregtinë e jashtë të publikuara nga INSAT totali i importeve për periudhën janar- tetor ra me -1.7 % në krahasim me të njëjtën periudhë të një viti më parë.
Rënia më e madhe mësohet të ketë ndodhur në importin e mineraleve, lëndëve djegëse dhe energjisë elektrike me -34.9 për qind në raport me 2014 dhe prodhimet e drurit dhe të letrës që pësuan një rënie vjetore me rreth 5%. Importet e materialeve të ndërtimit dhe metaleve shënuan rënien gjithashtu me -2.2 %
Grupet e tjera të importeve kanë shënuar rritje. Importet e ushqimeve, pijeve dhe duhanit u rriten me 3.2%, importet e plastikës dhe produkteve kimike u rriten me 3.1 %. Gjithashtu importet e lëkurës dhe artikujve të tyre që shërbejnë si lëndë e parë për industrinë e fasonit u rriten me 11 për qind në janar –tetor krahasuar me 10 mujorin e 2014.
Rritje të importeve shënuan edhe makineritë, pajisje të këmbimit me 11.8 për qind të nxitura nga punimet në projektin e Gazsjellësit dhe TAP dhe në HEC-ve kaskadën e Devollit. Në këtë periudhë është parë një rritje e importit të veshmbathjeve. Grupi i tekstileve dhe kepuceve është rritur me 7.6%
Në muajin tetor 2015, vendet me të cilët Shqipëria ka pasur rritje më të madhe të importeve, në krahasim me Tetor 2014 janë: Kina me 17,5 %, Turqia me 21,2 % dhe Franca me 6,1 %. Ndërsa vendet me të cilat importet kanë pasur uljen më të madhe janë: italia me 4,2 %, Greqia me 32,3 % dhe Gjermania me 11,5 %.
MONITOR
