Sipas rezultateve preliminare Sebastian Kurz fitoi zgjedhjet në Austri.
Partia Popullore Konservatore e Austrisë (ÖVP), e udhëhequr nga 31-vjeçari Sebastian Kurz, fitoi zgjedhjet parlamentare të vendit, sipas rezultateve preliminare.
Fitorja e bën Kurz udhëheqësin më të ri në botë.
Partia Popullore ka fituar ishte e 31.5%, të votave e pasuar nga Social Demokratët me 27.1% dhe Partisë së Lirisë të ekstremit të djathtë (FPÖ) me 25.9%.
BBC raporton se mungesa e shumicës, do të bënte që partia e Kurz të kërkojë një koalicion me FPÖ, e cila bënte fushatë kundër emigracionit.
Ndërkohë, Lulzim Basha ka qenë i pari politikan shqiptar që e ka uruar Kurz. Në një mesazh të bërë publik për mediat, kreu i PD shkruan se fitorja e tij është një lajm i mirë për Austrinë, Europën dhe familjen politike EPP”.
“Sapo urova mikun tim, kryetarin e Partisë Popullore Austriake, Sebastian Kurz për fitoren në zgjedhjet e sotme parlamentare. Fitorja e tij pas nje beteje të fortë dhe fushate të shkëlqyeshme është një lajm i mirë për Austrinë, Europën dhe familjen tonë politike EPP – European People’s Party. Me kancelarin e ri Kurz, Shqipëria do të ketë vëmendje dhe mbështetje më të fuqishme në sfidat jetike të demokracisë dhe integrimit europian,” shkruan Basha.
Kush është Sebastian Kurz?
Para zgjedhjeve, Kurz ka qenë ministri i Jashtëm më i ri në Evropë, pasi u emërua në vitin 2013, vetëm 27 vjeç.
Në maj 2017 ai u bë udhëheqës i ÖVP. Ai filloi karrierën e tij politike në krahun e të rinjve të partisë, të cilën ai kryesoi përpara se të shkonte për të shërbyer në këshillin e qytetit të Vjenës.
I quajtur “Wunderwuzzi” (dikush që mund të ecë mbi ujë), ai është krahasuar me udhëheqësit e rinj të Francës dhe Kanadasë, Emmanuel Macron dhe Justin Trudeau.
