Autoriteti i Konkurrencës ka vendosur autorizimin e përqendrimit të realizuar nëpërmjet përftimit të kontrollit nga shoqëria Eurosig SH.A të shoqërisë Insig SH.A”.
Eurosig sha bleu në 1 qershor 2016 10 0% të kapitalit të shoqërisë Insig SH.A. Objekti i transaksionit është transferimi nga shitësi tek blerësi i 1700 aksioneve të shoqërisë Insig SH.A dhe çdo e drejtë që u përket aksioneve, të lira nga çdo barrë.
Konkurrenca vlerëson se transaksioni i ndryshimit të kontrollit mbi shoqërinë Insig nuk sjell mbivendosje horizontale të veprimtarisë ekonomike të palëve në transaksion sa i përket sigurimit te jetes, pasi shoqëria Eurosig SH.A nuk është prezente në këtë segment produkti. Në segmentin e sigurimit të jo – jetës janë aktive të dy shoqëritë, pjesë e këtij transaksioni.
Sa më sipër, sipas Autoritetit të Konkurencës, ky përqendrim nuk shfaq shenja të kufizimit të konkurrencës në treg ose në një pjesë të tij në veçanti, si rezultat i krijimit ose forcimit të pozitës dominuese.
