Kreu i Kuvendit të Kosovës, Glauk Konufca gjatë një takimi me homologen e Shqipërisë, Lindita Nikolla, ka kërkuar që Tirana dhe Prishtina të jenë në një kornizë në qëndrimet ndaj Serbisë.
Konjufca u shpreh se Serbia është shumë armiqësore ndaj Kosovës, ndaj kërkoi që qëndrimi i Shqipërisë ndaj Beogradit të jetë në një linjë sa i takon qëndrimeve ndaj tyre.
“Në jemi dy shtete, por jemi popull me një interes të përbashkët. Edhe zyrtarët politikë të Kosovës dhe Shqipërisë vazhdimisht kanë vepruar me këtë vetëdije kombëtare.
Serbia e Vuçiçit nuk ka ndryshuar në drejtim politik, por vetëm mjetet prej kohës së Millosheviçit. Të gjithë shqiptarët duhet ta dinë që Serbia është shumë armiqësore ndaj Kosovës. Mohon pavarësisë dhe së fundmi e patë sesi presidenti nuk heziton fare edhe për ta sfiduar kornizën e sigurisë në Ballkan përmes kërcënimit të Kosovës dhe dërgimit të trupave të armatosur brenda territorit të Kosovës.
Ne duam që me Shqipërinë të jemi brenda një kornize sa i përket gjykimit për Serbinë. Kosova nuk ka rrugë tjetër veçse të mbrojë interesat. Ne jemi për paqe dhe dialog, por nuk do të lëshojmë pe. Por i gëzohemi edhe çdo arritje të Shqipërisë, siç është hapja e negociatave. Rrugën e kemi të njëjtë”, tha Konjufca.
