Konflikti Mal i Zi- Rusi mund te ndihmoje turizmin ne Shqipëri. Te pakten keshtu po kuptohet javet e fundit nga media ruse.
Në prag të zgjedhjeve presidenciale në Mal të Zi, Moska ka goditur fuqishëm këtë vend duke tentuar që të rrëzojë financiarisht atë që nuk arriti dot me shërbimet sekrete.
Autoritetet ruse kanë ndaluar Montenegro Airlines për të fluturuar në Moskë duke bërë kështu që të ulet drastikisht numri i turistëve rusë në Mal të Zi.
Siç bën të ditur B92, mediat ruse po theksojnë se pritet që gjatë këtij viti të ketë një rritje të turistëve rusë në Turqi, por edhe në Greqi e Shqipëri.
Nga ana tjeter po pretendohet se kane filluar prenotimet per ne Shqipëri. Kete e thote media vendase.
Plani i biznesit i Montenegro Airlines (MA) për vitin 2018 në bazë të parashikimeve të bëra planifikonte që çdo janë nga 25 prilli 5 avionë të bënin linjën ruse 4 herë në javë.
“Fillimisht kemi planifikuar për të marrë avionë me qira pasi ka kërkesë të madhe gjatë muajve të verës, ku ne kemi çdo ditë fluturime, në Moskë dhe Beograd. Fluturimet janë në aeroportin e vogël të Tivatit. Por planet po na i dështojnë autoritetet ruse”, deklaroi për B92, një drejtues i agjencisë malazeze të aviacionit.
Montenegro Airlines ka planifikuar se në periudhën qershor-korrik të realizohet një total prej 3,396 fluturime, për të transportuar 324.000 pasagjerë.
Qeveria malazeze sapo miratoi heqjen e vizave për qytetarët rusë prej 15 prillit deri më 31 tetor. Vendimi i autoriteteve të aviacionit ruse për të mohuar lejen këtë shikohet si një goditje të rëndë për biznesin.
Analisti Igor Damjanoviç theksoi se turistët rusë që kanë preferuar Malin e zi, në pjesën më të mirë të tyre do të shkojnë drejt Shqipërisë, pasi agjencitë turistike kanë nisur që tani të mbushin vakumin. (tesheshi)
