Një shpërthim tritoli ka tronditur mesnatën e kaluar Fushë-Krujën. Sipas policisë, një sasi lënde eksplozive është vendosur në murin rrethues të banesës së shtetasit Hamit Tusha, në Arrameras. Fatmirësisht, nga shpërthim nuk ka patur persona të lënduar, vetem dëme materiale.
Policia ka shpallur në kërkim autorin e vendosjes së lëndes eksplozive, 32-vjeçarin me iniciale L.Ç
Mësohet se 32-vjeçari ka vendosur lëndën eksplozive në murin rrethues të banesës së Hamit Tushës pas një konflikti për pronën.
NJOFTIMI I POLICISE
Specialistët për Krimet në Komisariatin e Policisë Krujë kanë filluar procedimin penal dhe po punojnë për kapjen e shtetasit:
• L.Ç. 32 vjeç, banues në Fushë –Krujë.
Më datë 01.06.2017, rreth orës 03:20, për motive pronësie, në Arrameras, ka vendosur dhe ka shpërthyer një sasi e vogël lënde plasëse artizanale, në murin rrethues të banesës së shtetasit D.T. 43 vjeç.
Për pasojë janë shkaktuar dëme të vogla materiale.
Gjatë kqyrjes së vendit të ngjarjes janë gjetur dhe sekuestruar në cilësinë e provës materiale një fitil zjarrpërcjellës 16 cm dhe një qese plastike me ngjyrë të verdhë.
Materialet I kaluan Prokurorisë së Rrethit Gjyqësor Krujë për veprime të mëtejshme për veprat penale”Shkatërrimi i pronës me eksploziv”dhe ‘Prodhimi dhe mbajtja pa leje e armëve luftarake dhe e municionit”parashikuar në nenet 152 dhe 278/2 të Kodit Penal./javanews.al/a.ç
