Një konflikt i ndodhur pak pas mesditës së sotme ka përfunduar me një person të dëmtuar, i cili ndodhet në gjendje të rëndë.
Në vendin e quajtur ish-Agjencia e Udhëtarëve Gjirokastër 39-vjeçari E.B., banues në Tepelenë, pas një konflikti të çastit ka goditur me grusht Xh.H., 68 vjeç, banues në Tepelenë.
I moshuari është rrëzuar në tokë dhe dëmtuar në kokë, duke pësuar dëmtime të rënda, çka bëri që të transportohej në spitalin e Traumës Tiranë.
Ndërkohë 39-vjeçar, është larguar nga vendi i ngjarjes, ndërkohë që efektivët e policisë janë vënë në ndjekje të tij.
Nga efektivët e policisë së Gjirokastrës në bashkëpunim me ata të Tepelenës, ëstë bërë i mundur arrestimi i tij.
g.kosovari
