Pedagogu i Fakultetit Ekonomik, Mirdaim Axhami u arrestua nga policia pas një sherri me kolegen e tij, Liljana Billa, e cila e akuzon se e ka goditur në fytyrë.
Sipas informacioneve të para, dyshohet se shkak për përplasjen janë bërë tezat e provimit pasi ata akuzojnë njëri-tjetrin se i kanë shitur apo ndërruar.
Gazetari Ervin Leka, në një raportim live, thotë se përplasja mes pedagogëve ka nisur prej disa muajsh. Sipas tij, zanafilla e përplasjes ka nisur që kur ata garuan për kreun e departamentit të fakultetit, që u fitua nga Axhami. Gazetari shton se Billa e ka denoncuar disa herë atë për përndjekje.
“Konfliktet kanë nisur prej disa muajsh mes dy pedagogëve për shkak edhe të zgjedhjeve dhe një votimi për kreun e departamentit të Fakultetit Ekonomik.
Gara është fituar nga Axhami dhe këtu si duket kanë nisur përplasjet e hershme mes tyre. Më pas Billa ka kallëzuar disa herë në polici kolegun e saj edhe për përndjekje. Por ku i fundit ka deklaruar se ajo ka probleme”, raportoi gazetari Ervin Leka.
