Që “Rithemelimi” pa Berishën në krye të tij, do të ishte një organizatë pa krye dhe e destinuar të shpërbëhej, kjo ishte e pritshme.
Për shkak se ai grup nuk është ndërtuar mbi parimet, por vetëm mbi pazarin, është e qartë se çdo orë që kalon me Berishën të izoluar në katin e 8-të dhe çdo mbledhje që do të realizohet në të ardhmen, vetëm se do ta ndezë edhe më tej konfliktin dhe do t’i japë përplasjes përmasa edhe më të mëdha.
Arsyeja kryesore që bëhet një gjë të tillë, është për shkakun se grupi i deputetëve të Gaz Bardhit që i janë bashkuar “Rithemelimit”, e kanë bërë një gjë të tillë, pikë së pari, se kanë shpresuar pikërisht ditën e arrestimit të Sali Berishës dhe pas kësaj gjëje kanë pritur të jenë ata drejtuesit e grupimit, duke qenë se janë më të shumë si numër deputetësh.
Mirëpo, llogaritë i kanë bërë gabim, sepse, ashtu siç ua bëri të qartë nënkryetari i Rithemelimit Oerd Bylykbashi, “s’është e vërtetë që grupi parlamentar ka peshën kryesore politike, e ka partia”.
Pra, Bylykbashi ka nxjerr në pah pikërisht thelbin e problemit, çka ka shkaktuar edhe tension në mbledhje, duke u bërë të qartë deputetëve të Bardhit që shpresat e tyre për të marrë drejtimin e grupit janë të kota, sepse drejtimin e ka partia, pra Flamur Noka, në mungesë të Sali Berishës.
Llogaria e bërë gabim e Gaz Bardhit dhe të tijëve ishte se do të mund të imponoheshin për të marrë partinë për shkak se kanë numrat në grupin parlamentar, mirëpo, siç shihet, askush nuk ka vlerë, sepse të gjithë shumëzohen e zero pas njëshit që tund përditë flamujt në ballkonin e katit të 8-të.
Përplasjet janë ende në nisjen e tyre, sepse ato do thellohen edhe më tej në mbledhjet e ardhshme. Një gjë e tillë u nxorr në pah edhe në këtë mbledhje, ku një ndër pjesëmarrësit foli për shantazhe.
Se me çfarë po shantazhohen deputetët e Bardhit, ngelet për të parë seritë e tjera të telenovelës./m.j
