Një fëmijë shqiptar 7-vjeç, në Dibër të Madhe të Maqedonisë, ka goditur me thikë kuzhine në shpinë, të vëllain e tij më të madh në moshë (14-vjeç) pas një zënke për një lojë kompjuteri. Ministria e Punëve të Brendshme të Maqedonisë bëri sot me dije se “dje rreth orës 9 në Dibër, në shtëpinë e pronares B.A. në rrugën ‘Ibrahim Kolari’ në dhomën e ndenjës ndodhi një zënkë mes dy vëllezërve nga nëna, njëri 14-vjeç dhe tjetri 7-vjeç për shkak të një loje në kompjuter. Gjatë zënkës 7-vjeçari me thikë kuzhine ka therur vëllain më të madh në pjesën e pasme të shpinës”.
Më tej në njoftimin e policisë bëhet e ditur se ka qenë fqinji ai që ka pasi ka dëgjuar ulërimat, ka hyrë në banesë dhe ka dërguar djaloshin e plagosur në Qendrën Klinike të qytetit të Dibrës prej ku pas ndihmës së ofruar, me automjet të ndihmës së shpejtë u dërgua në Qendrën Klinike Shkup për mjekim të mëtejshëm. Ndërkohë policia tha se po merr masat për zbardhjen dhe dokumentimin e plotë të rastit.
ma.me
