Sulmuesi i Kombëtares dhe i Everton, Armando Broja do jetë jashtë për të paktën tre muaj. Dëmtimi në kyçin e djathtë të këmbës më 9 janar ka qenë më i rëndë nga sa pritej dhe trajneri David Moyes ka konfirmuar se 23-vjeçari do jetë jashtë fushe, ndërkohë që klubi po mendon ta kthejë nga huazimi te klubi mëmë, Chelsea.
Shqiptari pësoi një dëmtim në ‘tendinën e Akilit’ gjatë para-sezonit, i cili pengoi një lëvizje te Ipswich përpara se të bashkohej me Everton.
“Ne mendojmë se ai do të jetë jashtë për diku mes 10-12 javësh”, tha trajneri i Evertonit, David Moyes pas humbjes 1-0 të skuadrës së tij nga Aston Villa të mërkurën.
“Janë ligamentet e tij të kyçit të këmbës. Kjo ndoshta do të thotë se ka një mundësi që ai të duhet të kthehet te Chelsea”, shtoi ai.
Broja ka bërë vetëm pesë paraqitje në Premier League këtë sezon, pa shënuar. Në dhjetor 2022, Broja pësoi një dëmtim të ligamentit të kryqëzuar të përparmë që e mbajti jashtë deri në shtator të vitit 2024.
Everton është në vendin e 16-të në tabelën e Premier League me 17 pikë pas 20 ndeshjesh, një pikë mbi zonën e ftohtë.
