Pas shfaqjes në uebfaqen e njohur Zauba dhe Geekbench, Samsung Galaxy C7 Pro tani është shfaqur edhe në uebfaqen tjetër të njohur, AnTuTu.
Sipas AnTuTu, C7 Pro do të vijë me ekran full HD, si dhe me kamerën kryesore dhe të përparme me 16 megapikselë, transmeton Koha.net.
Specifikat tjera të cilat i zbuloi AnTuTu, përfshihen: procesori Snapdragon 626 SoC, sistemi operativ Android 6.0.1, si dhe 4 gigabajt RAM memorie – të njëjtat i ka zbuluar edhe Geekbench. Ndërsa Zauba pati zbuluar se ky telefon i ardhshëm i Samsungut do të vijë me ekran 5.7-inç.
Galaxy C7 Pro, së bashku me Galaxy C5 Pro, spekulohet se do të zbulohet zyrtarisht muajin e ardhshëm, përgatiti Express. (b.an)
