Vjen një konfirmim galaktik për teorinë e përgjithshme të relativitetit të Ajnshtajnit nëpërmjet vëzhgimeve të kryera nga teleskopi hapësinor i NASA-s “Hubbe” dhe nga “Very Large Telescope” (VTL) pjesë e Observatorit Jugor Europian (ESO) në Kili.
Këto të dhëna të publikuara në revistën “Science” përforcojnë, gjithashtu, hipotezën e ekzistencës së enigmatikes energji të errët që përbën 70% të universit, natyra e të cilës vazhdon të jetë e panjohur.
Të koordinuar nga Thomas Collett, studiuesit e Institutit të Kozmologjisë dhe Gravitetit të universitetit anglez të Porsmuthit kanë realizuar matjen më të saktë të relativitetit të përgjithshëm jashtë Sistemit Diellor.
Për ta bërë këtë, ata kanë shfrytëzuar një fenomen të parashikuar nga vetëm Ajnshtajni në teorinë e tij, që është lentja gravitacionale.
Bëhet fjalë për një efekt prej lenteje zmadhuese të karakterizuar nga përthyerja e dritës së lëshuar nga një burim i largët, për shkak të një force që ndodhet mes vetë burimit dhe vëzhguesit.
Studiuesit kanë përdorur si një lente kozmike zmadhuese galaktikën “ESO325-G004”, rreth 500 milionë vite dritë larg Tokës.
Më pas llogaritën sa shpjet lëvizin yjet brenda saj, për të kuptuar se sa fuqi duhet për t’i mbajtur bashkë në galaktikë.
“Nëse dy galaktika ndodhen në një linjë përgjat rrezes tonë të shikimit, jemi në gjendje të shohim imazhe të shumfishta të galaktikës më të largët.
Duke përllogaritur masën e galaktikës së parë jemi në gjendje të bëjmë përllogaritje të ngjashme edhe për atë që ndodhet më larg.
Kjo përfaqëson një matje të saktësisë së relativitetit me një precision që nuk është arritur ndonjëherë në nivel galaktike”,shpjegon Collett./ATA-ANSA/a.m.
