“Ne duam që këto shtete të përafrohen me BE dhe para se gjithash duam të arrijmë që në takimin e ardhshëm të Këshillit të Evropës në mars të arrijmë një dakordësi për fillimin e negociatave të anëtarësimit me Shqipërinë dhe Maqedoninë e Veriut”.
Keshtu ka deklaruar sot kancelarja Angela Merkel, ne deklaraten per mediat dhene gjate konferences se perbahsket me kryeministrin Rama, pas takimit mes tyre ne Berlin.
Ne fjalen e saj, Merkel theksoi se “Te dyja vendet kanë suksese të konsiderueshme. Dhe keto janë regjistruar nga Këshilli i Evropës dhe ne do të punojmë fort që në mars të arrijmë rezultate. Unë besoj qe e ardhmja e këtyre dy vendeve është në Bashkimin Evropian”.
Merkel ka vënë theksin se Reforma në Drejtësi ka realizuar pritshmërinë e saj.
“Dëshiroj të them në mënyrë të qarte se në lidhje me reformën në drejtësi janë arritur shumë gjëra. Dhe kjo reformë duhet të vazhdojë në mënyrë të tillë që të përmbyllet. Kjo reformë ka një rëndësi qëndrore për të ardhmen e Shqipërisë. Për qeverinë federale gjermane dua të them që ne i përmbahemi qartësisht perspektivës së Shqipërisë dhe gjithë Ballkanit Perëndimor në Bashkimin Evropian“, tha Merkel.
Kancelarja foli edhe për tërmetin duke theksuar se shumë njerëz kanë humbur strehët e tyre.
“Mbi 50 viktima humbën jetën. Bashkëpunimi dhe gadishmëria në rajon për ndihmë ka qenë mbresëlënëse. Megjithatë kjo ishte një goditje e rendë për Shqipërinë. Unë jam e gëzuar që Komisioni ka dërguar ftesat për një konferencë donatorësh dhe Gjermania do të marrë pjesë në këtë konferencë“, tha ajo.
g.kosovari
