Mbledhja e sotme e konferencës së kryetarëve ka pranuar kërkesën e demokratëve për ngritjen e komisionit hetimor për cështjen CEZ. Kjo kërkesë ishte dhe njëra ndër kushtet e PD-së për t’ju bashkuar maxhorancës në punimet për reformën në drejtësi, teksa tryeza e komisionit të posaçëm për këtë reformë nis ditën e premte.
Në rendin e ditës së seancës së sotme në parlament pritet të diskutohen edhe dy kërkesa të tjera të PD-së që kanë të bëjnë me disa ndryshime në ligjin për Dekriminalizimin dhe rregulloren e funksionimit të Komisioneve hetimore parlamentare.
Në fokus të debateve do të jetë edhe dërgimi në Kushtetuese ose jo i mandateve të dy deputetëve socialistë Rakip Suli e Valentina Leskaj.
