Ministria e Shëndetësisë ka reaguar mbrëmjen e së enjtes në lidhje me një përgenjështrim të munguar që ajo pretendon.
Përmes një deklarate për shtyp, MSHMS shprehet se kërkon që sqarimi i saj i shkurtër nuk u lexua i plotë nga televizioni Top Channel.
Ja çfarë shkruan në njoftim Ministria në fjalë:
Duke qënë se redaksia e Top Channel nuk preferoi ta lexonte të plotë sqarimin tonë të shkurtër, Ministria e Shëndetësisë dhe Mirëqënies Sociale i rikërkon kësaj redaksie të lehtësojë përcjelljen e së vërtetës tek publiku. Qëllimi i sqarimit tonë nuk ishte thjesht saktësimi i shifrës së përgjithshme të kontratës së partneriteti publik privat për analizat laboratorike, por shpjegimi i thjeshtë i përmbajtjes së kësaj kontrate.
Qytetarët shqiptarë nuk do të paguajnë për koncesionin 100 milionë euro, sikundër rinënvizoi gabimisht redaksia, po buxheti i shtetit do të paguajë 66 milionë euro sikundër mund të verifikohet lehtësisht ne dokumentin e Ministrisë së Financave dhe Ekonomisë.
Dhe këto 66 milionë euro do të paguhen nga buxheti për të siguruar shërbimin e analizave FALAS për cdo qytetar që do ta marre këtë shërbim, me një sasi e cilësi krejt të re, sikundër e kemi sqaruar në shpjegimin e censuruar nga redaksia e Top Channel. Thënë ndryshe, për ta siguruar këtë shërbim të pakrahasueshëm në volum e në cilësi, shteti do të shpenzojë cdo vit vetëm 1.2 milionë euro me shume nga cfarë shpenzon sot. Kjo është pikërisht shuma plus që do të perfitojë partneri privat në këmbim të investimit e të dhënies së këtij sherbimi me standarde europiane, përkundër shumës prej 1.2 milionë euro me pak që shpenzohet nga shteti cdo vit për shërbimin e derisotëm.
Në një sqarim të fundit informojmë se Kontrata e këtij koncesioni nuk është lidhur ende ndërkohë që tavanet buxhetore të PPP përcaktohen nga Ministria e Financave (referojuni vlerës së përcaktuar nga Ministria e Financave dhe Ekonomisë në linkun: www://parlament.al/projektligj/projektligj-per-buxhetin-e-vitit-2018
Me lutjen që Top Channel t’i përcjellë këtë shpjegim publikut, mbetemi në pritje.
