Më 11 korrik, Tirana do të mirëpresë një nga artistët më të njohur dhe më me influencë në botën artistike, reperin Kanye West.
E në Kashar, ka nisur tashmë puna për sheshin ku do të instalohet një stadium provizor për këtë shfaqje, e cila pritet të sjellë një “bum vizitorësh” në kryeqytet.
Ministri i Turizmit, Kulturës dhe i Sportit, Blendi Gonxhja ka publikuar në rrjetet sociale pamjet nga këto punime dhe shkruan: ”Ka nisur puna në Kashar për sheshin ku do të instalohet stadiumi provizor për super spektaklin e Kanye West në Shqipëri, një produksion i përmasave dhe standardeve globale që pritet ta ngrejë Shqipërinë në tjetër nivel reputacioni ndërkombëtar.
Një mega event i këtyre dimensioneve përfaqëson jo vetëm një moment të rëndësishëm artistik e kulturor, por edhe një mundësi të jashtëzakonshme për promovimin e vendit, zhvillimin e turizmit dhe fuqizimin e ekonomisë lokale përmes vëmendjes që sjell nga industria globale e muzikës, medias, showbiz dhe entertainment-it.”
Stadiumi i përkohshëm do të ndërtohet në Kashar përgjatë aksit Tiranë – Durrës, enkas për këtë event artistik me një kapacitet prej 60 mijë spektatorësh dhe që do të quhet “Eagle Stadium”.
Premtohet një natë dhe një performcaë unike “one – night – only” me një produksion gjingand, që do të realizoje një koncert të standardve më të larta botërore.
Kanye West, ka mbi dy dekada karrierë të sukseshme muzikore, me albume ikonike “The college Dropout”, Graduation, Donda etj, duke e zhvilluar artin e tij me forma të reja dhe novatore dhe me performanca që kanë vendosur korniza të reja të spektalit live.
Prania e Kanye West në Tiranë, e pozicion Shqipërinë në hartën e destinacioneve, që realizojnë ngjarje të mëdha artistike dhe kulturore.
Ky event pritet të japë efektet e tij pozitive edhe në Turizëm, po aq sa rrit edhe vizibiltetin ndërkombëtar për mundësi të reja bashkëpunimi me industri kreative.
