Për kompensimin e pronave do të pëdoren edhe 50 mijë hektarë pyje, të cilat kanë një vlerë prej 60 miliardë lekësh.
“Ky fond parashikohet të jetë 50 mijë ha, me një fond prej 60 mld lekë dhe tani është detyrë e komisionit ndërinstitucional për të identifikuar të gjithë këtë fond pyjor”, ka deklaruar drejtoresha e Agjencisë së Trajtimit të Pronave, Sonila Qato raporton tch.
Qato tha sot para deputetëve se gjatë vitit 2016 janë dhënë si kompensim financiar për pronat 1.8 miliardë lekë, sipas ligjit të ri.
“Nëse do t’i referoheshim ligjit të vjetër, fatura financiare për 694 kërkesa të trajtuara, nga 1.8 miliard lekë të ezauruara deri më sot do të ishte 17 miliardë lekë. Dhe këtu kuptohet efiçenca e këtij procesi, që ka ulur gati me 10-fish detyrimin e shtetit shqiptar në terma financiarë”, tha Qato./a.m.
