“SportRadar”, kompania e specializuar në gjurmimin e ndeshjeve të trukuara në futboll, tani do të punojë edhe për llogari të FIFA-s. Është vetë “qeveria” botërore e futbollit ajo që e bën të ditur marrëveshjen e arritur me synimin “për të pasur një kontroll më të madh në integritetin e futbollit dhe intensifikimin e luftës kundër manipulimit të ndeshjeve”.
Kompania me qendër në Zvicër bashkëpunon edhe me UEFA-n, dhe bazuar në raportet e saj, institucioni europian i futbollit e dënoi Skënderbeun me përjashtim nga Kupat e Europës verën e shkuar. “SportRadar” është një shoqëri e specializuar në monitorimin dhe analizën e flukseve të basteve dhe në luftën ndaj mashtrimeve në sport. Sipas marrëveshjes, kjo kompani do të përdorë sistemin e vet të identifikimit të trukimeve për të analizuar çdo sjellje të dyshimtë të koeficientëve dhe parave të vëna në baste për ndeshjet kombëtare e ndërkombëtare.
ma.me