Miliarderi rus Roman Abramovich veç të tjerash ka aksione në kompaninë ruse të prodhimit të tankeve.
Emri i tij përfundoi në qendër të debatit në luftën mes Rusisë dhe Ukrainës.
Ish-presidenti i Chelsea, përveçse ka qenë gjithmonë një mbështetës i Putinit, dhe ka interesa ekonomike në Kiev, ka një pjesë të aksioneve në kompaninë ruse të çelikut Evraz, e dyta më e rëndësishme në vend, materialet e së cilës janë përdorur për prodhimin e tankeve të përdorura në pushtim.
Manjati rus, sipas analistëve, për të shmangur sanksionet nga Londra, transferoi aksionet e tij vetëm tetë ditë përpara se Putin të urdhëronte sulmet e para kundër Ukrainës.
Abramovich, i thirrur si ndërmjetës në bisedimet e para mes Rusisë dhe Ukrainës në Gomel, vazhdon të jetë ndër më të shënjestruarit e sanksioneve, prandaj ai i zhvendosi fitimet e tij larg Britanisë së Madhe.
/a.r
